А. Астрэйка

З ТРЭЦIМ ЛIПЕНЯ

Адгрымелi бiтвы i пажары,

Што траслi наш край, як гром.

З трэцiм лiпеня, таварыш!

З пераможным, светым днём!

Гэты дзень, як сонца, дораг.

Ён навекi святам стаў.

Гэтым днём быў выгнан вораг

З мiнскiх вулiц i застаў.

.

Тры гады праз бой iшлi мы

I ў марозы, i ў жару.

З трэцiм лiпеня, Радзiма,

Дарагая Беларусь!

Шлях быў цяжкi наш i доўгi,

Гартаваны ў барацьбе.

Ад Кубанi i ад Волгi

Мы спяшылi да цябе.

Мы ў кароткiх снах салдацкiх,

Як змаўкаў смяротны бой,

Каля сценаў сталiнградскiх

Беларусь, жылi табой.

Пыл на нас яшчэ дарожны,

Шчэ вайны грукоча гром.

У савецкай хаце кожнай

Лiпень стаў святочным днём.

З трэцiм лiпеня, сардэчны

Наш прывет, Масква, прымай!

Слава Сталiну навечна

За жыццё, за вольны край!

Мы пакiнулi зямлянкi,

Стрэлi ясную зару.

З перамогай, партызанка,

Наша мацi, Беларусь!

1945 г.